Advice for fathers / පියවරුන්ට පෝෂණ උපදෙස්

පියවරුන්ගේ දිනය පහුවෙලා ටික දිනක් ගතවුනත් ඒ ගැන සටහනක් තැබිය යුතුයි කියා සිතුනා. තාත්තා කෙනෙක් ගොඩක් වෙලාවට තමන්ගේ පවුලේ දියුනුව දරුවන්ගේ සැප පහසුව ඉගෙනීම ආදිය ගැන වෙහෙසවෙන අතරෙදි තමන්ගේ සෞඛ්‍ය තත්වය ගැන සැලකිලිමත් වීම අතපසු වෙනවා.

තමන්ගෙ පවුල ගැන හිතන තාත්තා කෙනෙක් තමන් නීරෝගීව සිටීම ඉතා වැදගත් මොකද එහෙම නැතිව තමන් රෝගී තත්වයට පත් වුනොත් ඒ අයත් අසරන වන නිසා. වයස 40-45 කියන්නේ ජීවිතයේ එක් සන්ධිස්ථානයක්.

මන්ද යත් මේ කාලෙදි  තමයි ගොඩක් අයට දියවැඩියාව, අධිරුධිර පීඩනය වැනි රෝගී තත්වයන් ආරම්භ වෙන්නේ.

                                                                                

මේ ආකාරයෙන් තාත්තලාගේ සෞඛ්‍ය තත්වය පහල වැටීමට හේතු බොහොමයක් තිබෙනවා. නොසැලකිලිමත් ආහාර පුරුදු  ඉන් ප්‍රධාන හේතුවක්. පිටතින් පරිභෝජනයට ගන්නා සකස් කල ආහාර වල අධික ලෙස මේදය අඩංගු වෙනවා. ඒ මගින් ඔබට දියවැඩියාව, අධිරුධිර පීඩනය සහ හදවත් රෝග ආදිය වැලඳීමට වැඩි හැකියාවක් පවතිනවා. ඊට අමතරව මත්පැන් සහ දුම්වැටි භාවිතයත් මේ රෝග හටගැනීමට කෙලින්ම බලපානවා. 

නීරෝගීව සිටින්නේ කොහොමද?

ශරීර ස්කන්ධ දර්ශකය හෙවත් BMI අගය ගැන ඔබ අහලා ඇති. ඒ කියන්නේ ඔබට උස සරිලන බරක් තිබේද කියා පෙන්වන සාධකයක්. ආසියාතිකයින් වන අපේ බොහොමයක් දෙනා හට ඇත්තේ තිබිය යුතු මට්ටමට වඩා වැඩි BMI අගයක්. මෙය නිසි මට්ටමට ලඟා කර ගැනීමට බර අඩු කර ගැනීම කෙරේ සැලකිලිමත් විය යුතුයි.

ආහාර  තෝරා ගැනීමේදී හැකි පමන නිවසේදී පිලියෙල කල ආහාර ගැනීම ඉතා වැදගත්. මන්ද යත් පිටතින් ලබා ගන්නා ආහාරවල නොයෙක් රසකාරක වගේම අධික ලෙස තෙල්, සීනි අන්තර්ගත වන නිසයි.මේද අධික ආහාර ගැනීමෙන් කොලෙස්ටරෝල් මට්ටම ඉහල ගොස් ඔබ ඉහත සඳහන් කල තත්වයන්ට ගොදුරු වීමට පුලුවන්. සීනි අධික ආහාර නිසාද ඔබ දියවැඩියාව හා අනිකුත් රෝගී තත්ව ඇතිවීමට පුලුවන්.ඒ වගේම ලුනු අධික ආහාර වලින් අධි රුධිර පීඩනය වැලදීමේ හැකියාවක් පවතිනවා.මේ නිසා හැකි පමන සමබල ආහාර වේලක් ලබා ගැනීමට උනන්දු විය යුතුයි.

                                                           

දිනපතා ආහාර වලට පලතුරු වර්ග 2ක් සහ එලවලු වර්ග 2ක් මෙන්ම එක් පලාකොල වර්ගයක් එක් කර ගැනීමත් කල යුතුයි. මේවායේ අන්තර්ගතවන ප්‍රති ඔක්සිකාරක (Anti oxidant) මගින් ඔබව කිරීටක ධමනි රෝගවලින් ආරක්ෂා කරනු ලබනවා.

ඔබ මත්පැන් පානය  කරන කෙනෙක් නම් එය නැවැත්වීම කල යුතුමයි. මත්පැන්වල අන්තර්ගත වන අධික කැලරි ප්‍රමානය නිසා ඔබේ බර වැඩි වෙනවා . ඊට අමතරව ඒ අවස්ථාවේ ඔබ ආහාරයට ගන්නා නොයෙක් කටගැස්ම වලද බොහෝ විට තෙල් මේද අන්තර්ගත වනවා. ඒ මගින් ඔබේ බර තවත් වැඩි වී ඔබ ස්ථූලභාවයට පත්වීමට පුලුවන්.

                                                                                        

ක්‍රියාකාරී දිවි පෙවෙතක් ගත කිරීමෙන් ඔබට මේ තත්වයන්ගෙන් ආරක්ෂාවීමට හැකියාව ලැබෙනවා. ඒ සදහා ඔබට ලොකු කාලයක් ගත කිරීමට අවශය නැහැ. පවුලේ අයත් සමගම ඔබට ඇවිදීමට යන්න පුලුවන්. එය ඔබේ පමනක් නොව ඔබේ බිරිදගේ සහ දරුවන්ගේ සෞඛ්‍ය තත්වය වැඩි දියුනු වීමටත් බලපානවා. එපමනක් නොවෙයි එමගින් පවුලේ සාමජිකයින් අතර සුහදතාවය ආදරය සහ විශ්වාසය ගොඩනැගෙනවා. ඒ වගේම මේ හොද පුරුදු දරුවන්ට හුරු කිරීම තුලින් ඔවුන් අනාගතයේ සෞඛ්‍යවත් දිවි පෙවෙතක් ගත කිරීමට හුරු වෙනවා.

                                                                                

ඔබත් තමන්ගේ පවුලේ දියුනුව වෙනුවෙන් කැපවන පියෙක් නම් තමා ගැනත් සැලකිලිමත් වන්න.

මම මහතයිද? මම කෙට්ටුයිද? - ශරීර ස්කන්ධ දර්ශකය මනිමු | Know your Body Mass Index |

ඔබ නිතරම ඔබේ සෞඛ්‍ය තත්ත්වය ගැන සැලකිලිමත් වෙනවා නේද? එසේනම් ඔබ අසනීප වූ විට දැනගන්නේ කෙසේද? ශ්වසන මාර්ගයේ අසනීපයක් ඇතිවිත උණ ගන්නවා, සොටු දියර ගලනවා, කැස්ස එනවා. ආහාර මාර්ගයේ නම් බඩ රිදීම, වමනය, පාචනය ආදිය සිදු වෙනවා. මෙවැනි අමාරුකම් නැති විට අපි "හොඳ " සෞඛ්‍ය තත්ත්වයෙන් ඉන්නවා යැයි සිතනවා.

නමුත්, අපට නොපෙනෙන රෝග තත්ත්වයක් අප සතුව තිබිය හැකියි. "දුෂ්පෝෂණය" එවැනි රෝග තත්ත්වයක්. දුෂ්පෝෂණය යන්නට මන්ද පෝෂණය මෙන්ම අධි පෝෂණයද ඇතුලත්.

දුප්පත් පොහොසත් භේදයකින් තොරව ,අපේ වැරදි ආහාර පුරුදු නිසා අප සියල්ලෝම ඉහත සඳහන් කල ආකාර දෙකටම ලක්වීමට පුළුවන්.

මමත් මන්ද පෝෂණයෙන්/ අධි පෝෂණයෙන් පෙලෙනවාද?

මෙය දැන් ඔබට අනිවාර්යයෙන්ම ඇතිවන ප්‍රශ්නයක්. පිලිතුර හරිම සරලයි.ඔබේ ශරීර ස්කන්ධ දර්ශකය(BMI) ගණනය කරන්න.

BMI අගය යනු කුමක්ද?

මෙය ශරීරයේ උසට සරිලන බරක් තිබීම පිලිබඳ මිනුමකි.මෙය බර(kg)/උස(m)^2 යන සමීකරණයෙන් ලබාගත හැක. ලාංකීය වැඩිහිටියකුගේ මෙය 18 kg/m2 හා 23.5 kg/m2 අතර තිබීම අපේක්ෂා කෙරේ.මෙම අගයට වැඩි හෝ අඩු වීම දුශ්පෝෂණ තත්ත්වයකි.

ඔබේ වයසට අනුව නිවැරදි අංකය(A,B,C) වෙත ගමන් කරන්න.

A.ඔබ පාසැල් ශිෂ්‍යයෙකු(වයස අවු.5-18)නම්,

වයස අවුරුදු 5ට වැඩි ඕනෑම වයසක අයෙකුට ,මෙම වගුව ඇසුරෙන් තම BMI අගයත් ,තිබිය යුතු අවම හා උපරිම බරත් දැකගත හැකියි.මෙහිදී ඔබ +2 හා -2 අතර කලාපයේ සිටීනම් එය නිවැරදි BMI අගයක් වෙනවා.

BMI අගය මෙමගින් දැන ගන්න



පිරිමි ළමුන් සඳහා නම්, දැන් එයමෙතැන click කර ලැබෙන ප්‍රස්ථාරයට ඇතුලත් කර ඔබ සිටිනා ශරීර ස්කන්ධ දර්ශක කලාපය හඳුනා ගන්න.

ගැහැනු ළමුන් සඳහා නම්, දැන් එය දැන් එයමෙතැන click කර ලැබෙන ප්‍රස්ථාරයට ඇතුලත් කර ඔබ සිටිනා ශරීර ස්කන්ධ දර්ශක කලාපය හඳුනා ගන්න.


B.ඔබ වැඩිහිටියකු(අවු.18ට වැඩි ) නම්,

වයස අවුරුදු 18ට වැඩි ඕනෑම අයෙකුට පහත මෘදුකාංගයට උස හා බර ලබාදීමෙන් BMI අගය ලබාගෙන එය ප්‍රස්තාර ගත කරගත හැකියි.මෙහිදී ඔබ කහපාට කලාපයේ සිටීනම් එය නිවැරදි BMI අගයක් වෙනවා.



C.වයස අවු. 5ට අඩු දරුවෙක් නම්,

අවුරුදු 5ට අඩු දරුවන් සඳහා පහත දැක්වෙන වගු භාවිතා කර ඔවුන්ගේ දිග(අවුරුදු 2ට අඩු දරුවන් සඳහා දිග භාවිතා වේ) උසට අනුව බර වැටෙන්නේ කුමන වර්ණ තීරුවටදැයි බලා ගන්න. දරුවා මෙහි කොළ හෝ ළා කොළ පාට කලාපයේ සිටිය යුතුයි.



ඔබට ඔබේ පෝෂණ තත්ත්වය පිළිබඳ ගැටළු ඇත්නම්,
පෝෂණ තොරතුරු ඒකකය, වෛද්‍ය පර්යේෂණ ආයතනය, බොරැල්ල වෙත ඒවා යොමු කරන්න.ඒවාට පිළිතුරු ලබා දීමට අප සැම විටම සැදී පැහැදී සිටිනවා.

written by Dr.Wedisha Gankanda

For the English version of this article Click Here | ๧මම ල๢ප๢๧ය๞ ඉංග්‍රීසි ප໱ව໮තනය සඳහ๟ ๧මත๠නට යන๞න. 

Know your Body Mass Index | මම මහතයිද? මම කෙට්ටුයිද? - ශරීර ස්කන්ධ දර්ශකය මනිමු

Body Mass Index(BMI) is the single best predictor of your malnutrition state.

Remember , both "Over" nutrition and "Under" nutrition is considered "Malnutrition" and both cause trouble.

Since the height of the adults wont change, you can easily keep an eye on your BMI value by regularly measuring your weight using a correct scale.



use this software to calculate your BMI, and plot it so that you can easily see to which category you fall in to. The formula for BMI is Weight(Kg)/Height(m)^2.

Try to be in the "Normal" (Yellow) Zone, if you are deviated try to adjust your exercise + diet to achieve that zone; more regular weight measurement is also essential. Consult your family doctor if you need any help, he'll direct you to a Nutritionist for counseling.

For any nutritional/dietary information feel free to contact us on -

Nutrition information center,
Medical research institute ,
Borella , Colombo 08
0112693532-4 ext 825
0112695999

PS- Please consider that in these calculations desirable BMI levels has been taken as 18.5 to 25 kg/m2 ; for the asian populations it's recommended to take the upper limit as 23.5 kg/m2

written by Dr.Wedisha Gankanda

For the Sinhalese version of this article Click Here | ๧මම ල๢ප๢๧ය๞ ස๢๜හල ප໱ව໮තනය සඳහ๟ ๧මත๠නට යන๞න.