දවසකට සීනි හැඳි කොච්චර ඕනද? | How much tea spoons full of Sugar do I need per day?

පින්තූරය උඩ ක්ලික් කර, එය විශාල කරගන්න.

රිවිර පුවත්පතේ මේ ගැන පළවූ ලිපිය මෙතැනින්.

චයිනීස් රෙස්ටොරන්ට් සින්ඩ්‍රෝමය සහ MSG | Chinese restaurant syndrome & MSG

MSG යනු මොනො සෝඩියම් ග්ලුටැමේට් C₅H₈NNaO₄ හඳුන්වන කෙටි නමයි.මෙය ජාත්‍යන්තර නාමකරණ සම්මුතීන්ට අනුව E 621/ HS code 29224220 යන සංකේතයෙනුත් හඳුන්වනු ලබනවා.

1909 වැනි කාල‍යකදී ජපානයේදී සොයාගත් මෙම රසකාරක සංයෝගය පැණි රස , ඇඹුල් රස, ලුණු රස, තිත්ත රස යන රසයයන් උද්දීපනය කිරීමට මෙන්ම(අජිනො-මොටො යන ජපන් නාමයේ අර්ථයද මෙයයි )  "උමාමි" නම් වෙනස්ම වූ රසයක්ද උපදවීමට සමත්. මෙම කරුණු නිසා ලොව පුරා බහුලව  ආහාර රස ගැන්වීම සඳහා මෙන්ම ආහාර වල ඇති රස උද්දීපනය කිරීම සඳහා MSG බහුලව යොදා ගන්නවා.

ශරීරයේ පවතින අත්‍යවශ්‍ය ඇමයිනෝ අම්ලයක් මෙන්ම ස්නායු ආවේග සම්ප්‍රේශකයක් වන "ග්ලුටැමේට්" හි ලවණයක් වශයෙන් මෙම සංයෝගය හඳුන්වා දිය හැකියි. එම නිසා මෙම රසයයන් ඇති කිරීමේ ගුණය මොළයේ රසායනික ක්‍රියාකාරීත්වය හා සම්බන්ධ වන බව පැහැදිළියි.

 වර්තමානයේදී, ක්ෂණික රසකාරක මිශ්‍රන, අජිනො-මොටෝ, ක්ෂණික නූඩ්ල්ස් , සුප් කැට, හැම්, සොසේජස් පමණක් නොව සෝස් වර්ග වල පවා මෙම MSG ඉතා අධිකව භාවිත වනවා. නගරබදව ඉතා ජනප්‍රිය වී ඇති කොත්තු රොටි, ෆ්‍රයිඩ් රයිස්, චීන කෑම ආදිය සැදීමේදී , MSG මේස හැඳි කීපයක්ම ඒවාට එක් කිරීමට වෙළෙඳුන් වග බලා ගන්නවා. මෙම රසයට පුරුදු වූ අයෙකු ඒවා නිතර අහාරයට ගැනීමට පෙළඹෙනවා.

MSG අඩංගු ආහාර ගැනීමේදී බොහෝ දෙනෙකුට විවිධ සංකූලතා ඇතිවෙන බව පසු කාලීනව සොයා ගත්තා. ඒවා අතර හිසරදය, හිරිවැටීම්, නිදිබර ගතිය, හා පපුවේ කැක්කුම ආදිය අතිවිය හැකියි.මෙම රෝග ලක්ෂණ සියල්ල එකතුව ගත් කල, "චයිනීස් රෙස්ටොරන් සින්ඩ්‍රෝම්"- Chinese restaurant syndrome ලෙස හඳුන්වනවා.

MSG ආහාරයට ගත් සමහර අයට ජීවිත අවධානම පවා ඇති කරන රෝග ලක්ෂණ පවා ඇතිවුණු බව සොයාගෙන තිබෙනවා.නමුත් තවම ලෝකය පුරා MSG ඉතා අහිතකර සංයෝගයක්ද යන්න ගැන පැහැදිළි පොදු එකඟතාවක් නැහැ. ආහාර නිෂ්පාදන ආයතන විසින් MSG එකතු කිරීම වළක්වාලන නීති කෙරේ අධික ප්‍රතිරෝධයක් දක්වනවා; හේතුව එමගින් ඔවුන්ගේ පාරිභෝගිකයින් අහිමි වීමේ අවදානමකට ඔවුන් ලක් වීම නිසයි.කෙසේ නමුත් ලොව පුරා පාරිභෝගිකයින් දැන් දැන් MSG රහිත ආහාර තෝරා ගැනීමට අභිරුචියක් දක්වනවා.

ලංකාවේ ,MSG  පිළිබඳ හෝ ඉහත කී "චයිනීස් රෙස්ටොරන්ට් සින්ඩ්‍රෝමය" ගැන පර්යේෂණ කෙරී නැහැ.ඔබටත් සමහර විට නොදැනුවත්වම ඉහත කී ආහාර ගත් පසු එම රෝග ලක්ෂණ මතුව තිබෙන්නට පුළුවන්. එම නිසා ඔබටත් එවන් අත්දැකීමක් තිබේ නම් එය කොමෙන්ටුවකින් හෝ  විද්‍යුත් තැපැල් මගින් අප සමඟ බෙදා ගන්න.

Chinese restaurant syndrome & MSG | චයිනීස් රෙස්ටොරන්ට් සින්ඩ්‍රෝමය සහ MSG

MSG(Mono Sodium Glutamate) is a very commonly used food additive in Sri Lanka, as well as around the whole world. Many food items including burgers, sauces, commercially produced soup peparations, soup cubes and instant noodles contain added MSG. Adding MSG (in the form of "Ajinomoto"- which means "making food tastier" in Japanese) and stock powder is becoming a routine practice among urban eating houses and hotels. Furthermore; adding MSG or MSG containing products has become essential in some households.

MSG is a derivative of gluatamic acid which is a neurotransmitter in the brain, so the taste is produced by alteration of neurotransmitters. The taste of MSG is called "Umami", a Japanese term

Some people are particularly sensitive to MSG and it produces symptoms like chest pain, flushing, headache, numbness, facial pressure, sweating, or excessive sleepiness, ect...This is called "Chinese restaurant syndrome" the commonest symptom Sri Lanakans experience is headache. Life threatening adverse effects have been reported such as palpitations, shortness of breath and feeling of swelling of throat. You may have experienced these symptoms; yet not have attributed them to the hidden MSG in your koththu roti, mix fried rice, curry cubes, burgers or sausages.

Please be kind enough to report your personal experiences related to MSG containing products here, through our mail (nutritionmri@gmail.com) or on our Facebook page (www.facebook.com/nutritionmri)

පෝෂණ තොරතුරු සැම අතට ! -ශ්‍රී ලංකා පෝෂණ තොරතුරු සංග්‍රහය | Sri Lanka Nutrition Bulletin

ශ්‍රී ලංකා පෝෂණ තොරතුරු සංග්‍රහය "Nutrition Bulletin of Sri Lanka" අප ඔබ වෙත ගෙන එන්නේ ඉමහත් සතුටින්.
ත්‍රෛමාසික ඉංග්‍රීසි ප්‍රකාශනයක් වන මෙහි අප විසින් සිදු කරනු ලබන පර්යේෂණ ආදිය ඔස්සේ ලබා ගන්නා පෝෂණ දත්ත එළි දැක්වීමට බලාපොරොත්තු වනවා.පර්යේෂණ ප්‍රතිපල වලට අමතරව වෛද්‍ය දැනුම,නව ප්‍රවනතා ,විශේෂ අවස්ථා ආදිය පිළිබඳ මෙමගින් ඔබව දැනුවත් කිරීමට අප බලාපොරොතු වනවා.

දේශීය හා විදේශීය වෛද්‍ය වෲත්තිකයින්, ප්‍රතිපත්ති සම්පාදකයින්, විශ්ව විද්‍යාල වල පර්යේෂණ වල නිරතවන්නන් , පාසැල් හා උසස් අධ්‍යාපන සිසුන්,වෙළෙඳ ආයතන හා පෝෂණය හා සම්බන්ධ විවිධ පාර්ශව වලට, විශ්වාසදායක ලෙස නවතම පෝෂණ දර්ශකයන් හා දත්ත ලබා ගැනීමටපහසු මූලාශ්‍රයක් නැති වීමේ ගැටළුවට පිළිතුරක් සැපයීම මෙම ව්‍යායාමයේ අරමුණ වුනා.

මංගල කලාපය ,පහත මාතෘකා ඔස්සේ පෙළ ගැසෙනවා,

• මන්දපෝෂණ දර්ශක
• අඩු උපත් බර
• කාන්තාවන්ගේ මන්ද්‍ර/ අධි පෝෂණ තත්ත්වයන්
• නීරක්තිය
• විටමින් A ඌනතාවය
• අයඩින් ඌණතාවය
• පාචනය
• ගැබිනි මවුන්ගේ යකඩ හා ෆෝලික් අම්ල පෙති භාවිතය
• මවු කිරි දීම
• අතිරේක ආහාර දීම
• විශම මන්ද පෝෂණ ව්‍යාප්තිය 
• පර්යේෂණ වාර්තා ලුහුඬින්
• වැදගත් අවස්ථා
• පෝෂණ ක්ෂේත්‍රයේ දියුණුවට යෝජනා

ඔබට අවශ්‍ය පිටපත් ලබා ගැනීමට අපව අමතන්න.නැතහොත් මෙම සබැඳිය ඔස්සේ PDF පිටපත් බාගත හැකියි.

Nutrition Information For All !- Sri Lanka Nutrition Bulletin | පෝෂණ තොරතුරු සැම අතට !

 Nutrition Department , of Medical Research Institute, Colombo in collaboration with UNICEF, launched "The Nutrition Bulletin of Sri Lanka".

By this quarterly publication we will be providing information about principle nutrition indicators, facts, new knowledge and events to all. The target audience will be medical professionals, policy makers , undergraduate and post-graduate students and anyone who is interested on nutrition status of Sri Lanka. The prime goal of this publication will be to make the scientifically gathered up-to-date nutrition data available , whenever needed.

copies of this publication could be obtained by contacting us or you can download it by clicking here.

Director MRI (Dr. Anil Samaranayaka), Presenting the Inaugural edition to Country representative UNICEF (Mr. Reza Hossaini) ; Dr.Renuka Jayathissa (Head, Nutrition Dept, MRI) , Dr. Ananda Gunasekara (DDG-MS) also seen in the picture